اکشے کمار نے جان ابراہم کو پیچھے چھوڑدیا

ممبئی: بالی ووڈ کے ایکشن ہیرو اکشے کمار نے اداکار جان ابراہم کو باکس آفس پر مات دے دی۔ 

گزشتہ کئی روز سے اکشے کمار کی فلم ’’گولڈ‘‘اور جان ابراہم کی فلم’’ستیہ میو جیتے‘‘ کے چرچے بھارتی میڈیا پر جاری تھے کیوں کہ دونوں فلمیں بھارت کی یوم آزادی کے موقع پر ریلیز ہونی تھیں تاہم اکشے کمار نے پہلے روز ہی جان ابراہم کو باکس آٖفس پر شکست دیدی۔

میڈیا رپورٹس کے مطابق اکشے کمار اور مونی رائے کی فلم ’’گولڈ‘‘ نے ریلیز کے پہلے روز 25 کروڑ 25 لاکھ کمانے میں کامیاب رہی۔

بھارتی تجزیہ نگار ترن آداش کے مطابق جان ابراہم کی فلم ’’ستیہ میوجیتے‘‘ نے اکشے کمار کی فلم کا بھرپور مقابلہ کیا۔ فلم’’ستیہ میو جیتے‘‘ باکس آفس پر20 کروڑ52 لاکھ کمانے میں کامیاب رہی لیکن باکس آفس بزنس کے اعتبار سے اکشے کمار نے جان ابراہم کو پیچھے چھوڑتے ہوئے میدان مارلیا۔

واضح رہے کہ اکشے کمار فلم ’’گولڈ‘‘میں ایک ہاکی کوچ کا کردار نبھارہے ہیں جو ناکام ٹیم کو اکھٹا کرکے گولڈ میڈل حاصل کرنے میں کامیاب ہوجاتے ہیں جب کہ فلم ’’ستیہ میو جیتے‘‘میں جان ابراہم نے سیریل کلر کا کردار نبھایاہے۔

The post اکشے کمار نے جان ابراہم کو پیچھے چھوڑدیا appeared first on ایکسپریس اردو.

 پریانکا چوپڑا کی منگنی کی انگوٹھی کی قیمت کتنی ہے؟

ممبئی: ان دنوں بھارتی میڈیا پر اداکارہ پریانکا چوپڑا کی منگنی کی انگوٹھی اور اس کی غیر معمولی قیمت کے چرچے جاری ہیں۔

سابق ملکہ حسن اورنامور بالی ووڈ اداکارہ پریانکا چوپڑاکی حال ہی میں امریکی گلوکار و اداکار نک جونز کے ساتھ منگنی ہوئی ہے۔ نک جونز نے اپنی خوبصورت منگیتر کے لیے لندن سے بہت ہی قیمتی ہیرے کی انگوٹھی خریدی ہے جس کی قیمت جان کر پریانکا کے مداحوں کے ہوش اڑ جائیں گے۔

اس خبرکوبھی پڑھیں: مہنگی ترین انگوٹھیاں پہننے والی اداکارائیں

میڈیارپورٹس کے مطابق پریانکا چوپڑا کی منگنی کی انگوٹھی کی  قیمت کسی  لگژری گھر اورمہنگی گاڑی سے کہیں زیادہ ہے۔ وی پی ڈائمنڈز (وہائٹ پائن ڈائمنڈ) کمپنی کے سربراہ اینڈریو براؤن کے مطابق پریانکا کے ہاتھ میں موجود انگوٹھی میں بیش قیمت ہیرا جڑا ہے۔ اس انگوٹھی کا وزن 4 قیراط ہے جس کی قیمت تقریباً ایک کروڑ روپے ہے۔ بھارتی ذرائع ابلاغ کے مطابق پریانکا چوپڑا اورنک جونز اکتوبر میں شادی کے بندھن میں بندھ جائیں گے۔

اس خبرکوبھی پڑھیں: پریانکا کی منگنی ،شاہ رخ آگ بگولہ

واضح رہے کہ پریانکا واحد اداکارہ نہیں ہیں جن کے ہاتھ میں منگنی یا شادی کی اتنی مہنگی انگوٹھی ہے بلکہ پریانکا سے قبل اداکارہ شلپا شیٹھی، ایشوریا رائے اور کرینہ کپور کی مہنگی انگوٹھیوں کے چرچے بھی میڈیا پر چھائے رہے ہیں۔

Peecee and I getting our pouts in order ! 😂 #potraitlighting💡 #shotoniphonex

A post shared by Raveena Tandon (@officialraveenatandon) on

The post  پریانکا چوپڑا کی منگنی کی انگوٹھی کی قیمت کتنی ہے؟ appeared first on ایکسپریس اردو.

ماورا حسین کی وکالت کی ڈگری پر سوالات کھڑے ہوگئے

کراچی: اداکارہ ماورا حسین نے چند روز قبل وکالت کی ڈگری حاصل کرلینے کا اعلان کیا تھا تاہم اب سوشل میڈیا پر اسی ڈگری کے حوالے سے کئی سوالات کھڑے کردیے گئے ہیں۔

اداکارہ ماورا حسین نے حال ہی میں وکالت کا امتحان 85 فیصد نمبروں سے پاس کیا ہے اوراتنے شاندار نمبرز حاصل کرنے پر وہ بے حد خوش ہیں۔ ماورا کی بہن اداکارہ عروہ حسین نےان کی کامیابی پرخوش ہوتے ہوئے ٹوئٹ کی تھی کہ ایڈووکیٹ ماورا حسین نے اصول قوانین میں 67 اور اسلامی قوانین کے مضمون میں 85 فیصد نمبرز حاصل کیے ہیں انہیں اپنی بہن پر فخر ہے۔

اس خبرکوبھی پڑھیں: اداکارہ ماورا حسین نے وکالت کا امتحان پاس کرلیا

تاہم جہاں عروہ اپنی بہن کے وکالت کا امتحان پاس کرنے پر خوش ہیں وہیں سوشل میڈیا صارفین یقین ہی نہیں کرپارہے کہ ماورا حسین وکیل بن گئی ہیں۔ سوشل میڈیا پر ماورا حسین کے 85 فیصد نمبروں کے ساتھ وکالت کا امتحان پاس کرنے پر شدید تنقید کی جارہی ہے۔ انیقا مجاہد نامی صارف نے لکھا ’’ماورا کتنے پیسے دے کر وکیل بنیں؟‘‘ ایک اور صارف نے انیقا مجاہد کی بات کی تائید کرتے ہوئے کہا’’ ہاں کیونکہ ڈگری پیسوں سے خریدی جاسکتی ہے‘‘۔

ایک اورصارف نے لکھا ’’اسےکیا پتہ اسلامی قوانین کیاہوتا ہے‘‘، ایک اور صارف نے لکھا’’ ماورا پاکستان کے چیف جسٹس کانام تک نہیں جانتیں‘‘۔ سیم مروت نامی صارف نے لکھا ’’یہ پڑھتی کب تھی؟ یہ تو ڈرامے کرتی ہے۔‘‘

 

The post ماورا حسین کی وکالت کی ڈگری پر سوالات کھڑے ہوگئے appeared first on ایکسپریس اردو.

کلاس میں پیچھے بیٹھتی تھی اور بہت شرارتیں کرتی تھی، کاجول

ممبئی: نامور بالی ووڈ اداکارہ کاجول نے اپنی بچپن کی یادیں تازہ کرتے ہوئے کہا ہے کہ وہ بچپن اور نوجوانی  میں بہت شرارتی تھیں۔

بھارتی میڈیا کے مطابق اداکارہ کاجول حال ہی میں اپنی آنے والی فلم’’ہیلی کاپٹر ایلا‘‘ کی تشہیر کے سلسلے میں ٹی وی شو’’انڈیاز بیسٹ ڈرامے باز‘‘میں شریک ہوئیں جہاں انہوں نے اپنے بچپن اورنوجوانی کے دنوں کی یادیں تازہ کیں۔ شو کے دوران کاجول سے سوال پوچھا گیا اگرانہیں اپنے کالج کے دنوں میں واپس جانے کا موقع ملے تو وہ کسے اپنا کلاس فیلو دیکھنا چاہیں گی؟

اس سوال کے جواب میں کاجول نے کہا کہ اگر انہیں دوبارہ کالج جانے کا موقع ملے تو وہ چاہیں گی کہ ان کے شوہر اجے دیوگن اور شاہ رخ خان ان کی کلاس میں ہوں کیونکہ ہم تینوں بہت شرارتی ہیں اورکلاس کی سب سے پیچھے والی بینچ پر بیٹھ کر خوب شرارتیں کرتے۔

اس کے ساتھ ہی کاجول نے کہا کہ وہ اداکار عامر خان کو اپنے کلاس فیلو کے طور پر بالکل بھی نہیں دیکھنا چاہیں گی کیونکہ عامر خان بہت پڑھاکو ٹائپ کے ہیں جو ٹیچرز کے پسندیدہ بچے ہوتے ہیں اور اگر میں کلاس میں شرارتیں کرتی تو وہ میری شکایت کردیتے۔

واضح رہے کہ اداکارہ کاجول کی فلم ’’ہیلی کاپٹرایلا‘‘ 7  ستمبر کو ریلیز ہورہی ہے جس میں وہ ایک سنگل ماں کا کردار نبھارہی ہیں جو اپنی گریجویشن کی تعلیم مکمل کرنے کے لیے اپنے ہی بیٹے کے کالج میں داخلہ لیتی ہے۔

The post کلاس میں پیچھے بیٹھتی تھی اور بہت شرارتیں کرتی تھی، کاجول appeared first on ایکسپریس اردو.

دپیکا رنویر کی شادی کی تقریبات کے دوران موبائل پر پابندی

ممبئی: بالی ووڈ کی مشہور جوڑی دپیکا پڈوکون اور رنویر سنگھ کی شادی کی تقریبات کے دوران موبائل فون استعمال کرنے پر پابندی ہوگی۔

بھارتی میڈیا کے مطابق بالی ووڈ کی مشہور جوڑی دپیکا پڈوکون اوررنویر سنگھ رواں سال 20 نومبر کو اٹلی کے خوبصورت مقام ’’لیک کومو‘‘میں شادی کے بندھن میں بندھ جائیں گے۔ شادی کی تقریب میں ان کے اہل خانہ اور قریبی دوستوں سمیت صرف 30 مہمانوں کو مدعو کیا جائے گا۔

شادی کی تقریب نہایت سادگی سے منعقد کی جائے گی لیکن استقبالیہ بھارت میں نہایت شاندار طریقے سے ہوگا۔ شادی میں شریک مہمانوں پر موبائل فون استعمال کرنے پر پابندی ہوگی تاکہ شادی کی تصاویر اور ویڈیوز سوشل میڈیا پر لیک نہ ہوجائیں۔

یاد رہے کہ اداکارہ انوشکا شرما اورویرات کوہلی کی شادی بھی اٹلی کے خوبصورت مقام تُسکینی میں انجام پائی تھی جس میں دوستوں اور گھر والوں سمیت چند افراد کو مدعو کیا گیا تھا۔

The post دپیکا رنویر کی شادی کی تقریبات کے دوران موبائل پر پابندی appeared first on ایکسپریس اردو.

سروں کے بادشاہ نصرت فتح علی خان کو مداحوں سےبچھڑے21 برس بیت گئے

کراچی:  سروں کے بادشاہ استاد نصرت فتح علی خان کو مداحوں سے بچھڑے 21 سال بیت گئے لیکن ان کی آواز کا جادو آج بھی سر چڑھ کر بولتا ہے۔

عظیم قوال استاد نصرت فتح علی خان 13 اکتوبر 1948 کو فیصل آباد کے قوال گھرانے میں پیدا ہوئے۔ اپنے بڑوں سے فن قوالی سیکھا اور خداداد صلاحیتوں کے باعث دنیائے قوالی میں خوب نام کمایا۔ استاد نصرت فتح علی خان نے فن قوالی میں اپنی مہارت کے  سبب شہنشائے قوالی کا لقب پایا۔

نصرت فتح علی خان کا پہلا تعارف خاندان کے دیگرافراد کی گائی ہوئی قوالیوں سے ہوا۔ ’’حق علی مولا علی‘‘ اور ’’دم مست قلندرمست مست‘‘ نے انہیں شناخت عطا کی، موسیقی میں نئی جہتوں کی وجہ سے ان کی شہرت پاکستان سے نکل کرپوری دنیا میں پھیل گئی۔ بین الاقومی سطح پر صحیح معنوں میں ان کا تخلیق کیا ہوا پہلا شاہکار 1995 میں ریلیز ہونے والی فلم’’ڈیڈ مین واکنگ‘‘ تھا جس کے بعد انہوں نے ہالی ووڈ کی ایک اور فلم ’’دی لاسٹ ٹیمپٹیشن آف کرائسٹ‘‘ کی بھی موسیقی ترتیب دی۔

نصرت فتح علی خان نے قوالی کے علاوہ  صوفیانہ کلام، غزل اور کلاسیکل موسیقی میں بھی اپنے سروں کا جادو جگایا۔ انہوں نے بیرون ملک  پرفارم کرکے گوروں کو بھی جھومنے پر مجبور کیا اور اپنے فن موسیقی کی روحانی کیفیات کے ذریعے پوری دنیا کو مرید بنائے رکھا۔

عالمی سطح پر جتنی شہرت انہیں ملی وہ شاید کسی اور موسیقار یا گلوکار کو نصیب نہیں ہوئی۔ بحثیت قوال ان کے 125 آڈیو البم ریلیز ہوئے جو ایک ورلڈ ریکارڈ ہے، ان البمز میں ’’دم مست قلندر مست ‘‘، ’’علی مولا علی‘‘، ’’یہ جو ہلکا ہلکا سرور ہے‘‘، ’’میرا پیاگھر آیا‘‘،’’اللہ ہو اللہ ہو‘‘، ’’کینا سوہنا تینوں رب نے بنایا‘‘ سمیت کئی یادگار قوالیاں اور گیت شامل ہیں۔

نصرت فتح علی خان نے بالی ووڈ کی کئی فلموں کی موسیقی ترتیب دینے کے ساتھ آواز کا جادو بھی جگایا جس میں ’’اور پیار ہوگیا‘‘، ’’کچے دھاگے‘‘ اور ’’کارتوس‘‘ شامل ہیں۔ نصرت فتح علی خان کے فن کی تعریف ملکہ ترنم نورجہاں، شنہشاہِ غزل مہدی حسن اور لتا منگیشکر جیسے گائیک نے بھی کی۔ انھیں گیت، غزل، قوالی، کلاسیکل، نیم کلاسیکل پر مکمل عبور حاصل تھا۔

قوالی کے میدان میں ترقی کی بلندیوں کو چھونے والے استاد نصرت فتح علی خان کا نام آج بھی زندہ ہے، ان کا گایا کلام ہرکوئی شوق سے سنتا ہے۔ شدید علالت کے باعث استاد نصرت فتح علی خان 16 اگست کو اپنے مداحوں کو چھوڑ کر خالق  حقیقی سے جاملے۔

The post سروں کے بادشاہ نصرت فتح علی خان کو مداحوں سےبچھڑے21 برس بیت گئے appeared first on ایکسپریس اردو.

جانئے آج آپ کا دن کیسا رہے گا

حمل:
21 مارچ تا 21 اپریل

کاروبارکی گرتی ہوئی ساکھ کو کسی حد تک سہارا مل سکتا ہے اگر آپ نے اپنی اعلیٰ صلاحیتوں کو بروئے کار لاتے ہوئے اس موقع سے استفادہ کرنے کی کوشش کی تو بہت حد تک پریشانیوں سے نجات مل سکتی ہے۔

ثور:
22اپریل تا20 مئی

اپنا گھریلو بجٹ بناتے ہوئے شریک حیات کی آمدنی کو اپنے سامنے رکھ لیں تاکہ غیر متوازن صورتحال کا سامنا نہ کرنا پڑے ایسا کرنے سے آپ کا گھریلو ماحول بھی کافی حد تک بہتر رہیگا۔

جوزا:
21مئی تا 21 جون

ہم نے پہلے بھی آپ کو یہی مشورہ دیا تھا کہ آپ اپنی سوچوں کو بدلنے کی کوشش کریں خود پر مایوسی کے اندھیرے مسلط کرکے سوچوں میں ڈوبے رہنے سے مسائل حل نہیں ہونگے۔

سرطان:
22جون تا23جولائی

زنگ آلود صلاحیتوں کا حقیقی رنگ بھر کر سامنے آ سکتا ہے گویا نئی زندگی ملے گی آج کے دن کسی قسم کا کاروباری معائدہ ہرگز نہ کریں صحت جسمانی قدرے بہتر رہے گی۔

اسد:
24جولائی تا23اگست

آپ اپنی اس خامی کو دور کرنے کی کوشش کریں ایک وقت میں صرف ایک ہی کام کو پایا تکمیل تک پہنچانے کی کوشش کریں تو زیادہ بہتر ہے۔

سنبلہ:
24اگست تا23ستمبر

سیاسی و سماجی شخصیات اپنے فیصلے سوچ سمجھ کر کریں اور ہر ایک پر آنکھیں بند کرکے اعتبار نہ ہی کریں بلکہ اپنی آنکھیں کھلی رکھیں تاکہ آپ کسی غلط راستے کا انتخاب نہ کر بیٹھیں۔

میزان:
24ستمبر تا23اکتوبر

ہمارے سابقہ دیے ہوئے مشوروں کو اپنا نصب العین بنائے رکھیں تاکہ زندگی بہتر انداز سے گزر سکیں کسی بھی معاملے میں جلدبازی ہرگز نہ کریں تو بہتر ہے۔

عقرب:
24اکتوبر تا 22نومبر

اپنی ضروریات کو محدود کردیں آج کل آپ کافی فضول خرچ ہوتے جا رہے ہیں اگر یہی عالم رہا تو بہت جلد آپ کو قرض لینا پڑ سکتا ہے بہتر ہے کہ ایسانہ ہو۔

قوس:
23نومبر تا22دسمبر

اگر آپ چاہتے ہیں کہ آپ کو زمانے میں رسوا نہ ہونا پڑے تو پھر اپنے دوستوں کی تعداد محدود ہی رکھیں انھیں اپنے معاملات سے دور ہی رکھیں تو زیادہ بہتر ہے۔

جدی:
23 دسمبرتا20 جنوری

کوئی دیرینہ دشمن کھل کر سامنے آ سکتا ہے جس کی وجہ سے آپ کا کاروبار بہت متاثر ہوسکتا ہے لہٰذا اس آستین کے سانپ کا پتہ لگایئے تاکہ آپ بچ سکیں۔

دلو:
21جنوری تا19فروری

صدقہ وخیرات کرتے رہنا آپ کے لیے کافی بہترہے آج کل حالات بالکل آپ کے لیے سازگارنہ ہے اچھے بھلے دوست بھی مخالفت پرآمادہ ہو سکتے ہیں۔

حوت:
20 فروری تا 20 مارچ

ان گنت رکاوٹیں آج آپ کے راستے میں حائل رہے گی لیکن آپ بلاشبہ ان رکاوٹوں کوگراکرکامیابی کا سفرطے کرتے چلے جائیں گے۔

The post جانئے آج آپ کا دن کیسا رہے گا appeared first on ایکسپریس اردو.